close
ㄥ012《創作臺語六首》
第一首
《阮兜後壁溝》(臺語)
心情鬱卒人足懊惱
這個時候千萬嘸通大聲號(大哭)
若要找一個所在消透
報恁緊來阮兜後壁溝
溪水清清順勢透流
將所有的往事丟掉攏麥留
欣賞花草乎憂愁解消
風吹雲飄煩惱散了了
真奇妙
置阮兜的後壁溝
環境清幽袂吵鬧
可比仙境使人逍遙
陪伴你我活到百歲年老
第二首
《付出》(臺語)
付出外多才知痛
敢需要全部性命
哪欲了解阮心晟
馬上唱歌乎恁聽
雖然出世介窮赤
認真賺吃過生活
腳踏實地小心走
跌倒嘛不敢唉疼
聽人講
命運是天註定
這到底
有影或者無影
好康ㄟ
哪有可能常常
肯付出
才有機會出名
堅信要拼才會贏
勇敢喊甲大小聲
永遠記置咱心肝
一直付出繼續拼
第三首
《我甘願》(臺語)
惦惦忍著風雨淋
為你受苦阮甘願
目標雖然蓋遙遠
一步接一步也袂含慢
為著理想走西東
打拼事業大悸喘
阮的目眶不肯澹
克服困難一關過一關
我甘願 我足甘願
付出全部要來圓夢
繼續等 繼續擱等
遵守約束按照起工
因為有你幫忙
美夢袂成空
第四首
《茶壺情》(臺語)
你是我的心肝寶貝
日夜親密黏做夥
面對面常講心內話
日子一工一工過
感謝你肯來交陪
氣質高雅的美人胚
形體奇巧怪姿勢
出入好茶全是絕配
一杯一杯攏嘸推
守禮儀阮知進退
心肝寶貝
今生此世咱足有緣
自頭到尾
你嘸棄嫌阮蓋卑賤
心心相印永牽連
深深的愛袂改變
第五首
《情場至尊》(臺語)
明知你我嘸緣再相逢
偏偏還是追甲這兇狂
因為世間癡情第一憨
才來勉強甲己繼續衝
情批 情批
真感動 卡贏用嘴講
情意濃 謹記在心中
鮮花 鮮花
迷魂香 乎你精神爽
嘸法擋 使人永難忘
情場招數百百種
至尊發威巧運用
比看覓誰人尚勇
為著你展出笑容
明阿載阮一定會成功
第六首
《風雲過了後》(臺語)
唉唷喂～
晴天霹靂煞起風雲
沿路啼哭親像失了魂
珠淚滴滴含置嘴唇
勉強家己慢慢倒頭吞
為啥貨～
明明知影你袂允准
惦惦吐大悸歹勢疑問
面帶苦笑暗藏怨恨
心肝頭鬱卒百般憂悶
時間經過～
又到分手的時候
悲哀佔滿心肝頭
一聲保重靜靜悄悄梗置咧阮嚨喉
二蕊目睭茫茫渺渺乎珠淚大港流
春去春又回～
緩(ㄎㄨㄚ)緩(ㄎㄨㄚˊ)啊走無通跑(ㄓㄠˋ)
請等待陰霾盡掃
吞下一口氣忍過這場風雲過了後
咱很快就會擱再照到溫暖的日頭
請指導，謝謝！
全站熱搜
留言列表
