close
ㄥ011《創作臺語六首》
第一首
《黏相隈》(臺語)
天涯海角你跑叨藏
害阮煩惱心沈重
當初咒詛鬥陣到永遠
如今怎樣分西東
你出外學人這虛華
欺騙阮刺傷心肝
離鄉背井害我找嘸伴
石頭會爛真臭彈
孤單
只是暫時影響生活
嘸免驚
提出了勇氣繼續拼
你相信我
總有一天要向天感謝
感謝祂將你我的形影
全部擱再黏相隈
第二首
《愛人啊走叨藏》
《欲找心愛的人》
(臺語)
咱吹著微微仔風
雙人牽手情深意重
月下情話綿綿偷偷啊講
雄雄清醒原來是在夢中
東西南北四界闖
為何找嘸你的行蹤
我鬱卒袂爽面對著夜空
流星笑阮憨怨歎啥路用
我有夠冤枉
孤單徘徊置咧十字路上
該何去何從
雖然無人阻擋猶原不敢黑白撞
乎命運戲弄
問心愛的人你是跑叨藏
美夢變成空
親像海霧白茫茫分袂清西抑東
阮絕對不肯放
趁早隨著一陣海風出帆
我有滿腹希望
一定要找到你同齊回航
第三首
《西北雨》(臺語)
天邊漸漸置反烏
雷鳴響過彼邊山埔
一條條霹靂閃電落
嘸膽的人叫公求祖
雨水雄雄滴落土
嘸疑悟噴甲遐呢粗
阮腳麻欲跑無法度
歸身軀淋甲淡糊糊
西北雨 一直落
暫時忍耐受淡薄阿苦
天援助 滿水庫
飲水充足家家戶戶攏幸福
生活快樂人人攏要感謝西北雨
第四首
《嘸通認輸》(臺語)
天未光就出大門
駛著鐵牛四界巡
街頭巷尾沿路問
垃圾麥擱放
壞銅舊錫嘸通囤
雖然日頭燒滾滾
汗流散滴耐心褪
淋雨畏寒免憂悶
身軀加冷筍
天地罩霧起風雲
阮足疑問
你為何心袂酸
鹹甜苦澀腹肚內底吞
這咧時袸
你哪袂頭殼暈
像稻草人有體無靈魂
無通認輸
透早拼到黃昏
過了冬至將圓仔吞
人生過程若會平順
活在世間一定足安穩
第五首
《創造幸福千千萬萬年》(臺語)
甲你惜別置夜港墘
依依不捨情難離
雄雄聽到雞啼
阮請你保重自己
漫漫長夜是講啥米
綿綿情話真甜蜜
候等來年花期
收到你的好消息
麥袂記
返來阮身邊
接受阮的真情意
我等你
成功回鄉里
圓滿咱終生代誌
創造幸福千千萬萬年
第六首
惜花》(臺語)
曇花暫現阮歎時間短
牡丹艷開大方有架勢
一枝梅傲立冰雪
幽谷蕙蘭展雅潔
玉蘭含笑香玫瑰美麗
桃李杏鬥艷百合嬌客
出塵芙蓉蓮池洗
水仙愛假桂枝替
好花插瓶獻乎你
伴君夜讀倆相依
清香提神助元氣
花開花謝有定時
珍惜青春莫延遲
請指導，謝謝
全站熱搜
留言列表
