close
ㄦ003《創作臺語六首》
第一首
《送夕陽》(臺語)
黃昏已經到日斜西
天邊暮色染出紅彩
三五隻烏鴉哮啥嘸人知
飛過一片雲含情笑嗨嗨
月色昏沈置咧訴苦
眼前反黑擋到腳步
算袂清的火金姑來照路
趕緊帶大家去彼平山埔
青山綠水本來就是大自然寶庫
天造地設值得你我用愛心共度
黃昏到送夕陽順煞展開了畫布
五花十色組合成完美的山水圖
第二首
《袂赴講再會》(臺語)
世事難料真無常
昨晚明明還在電話中
透早傳來消息將阮傷
到底為何這呢雄
問安關懷的流通
藏置腦海永遠嘸路用
心神不寧人也袂清爽
浮現過去的種種
想起你的音容
個性蓋倔強
做事真衝動
已經完全變過往
為啥米這呢僥雄
你要走竟然行色匆匆
我連再會嘛攏袂赴講
第三首
《一枝草一點露》(臺語)
人生的路有平也有陡
(臺語讀音為ㄍㄧㄚ)
你我牽手用心走
風雨會停嘸免驚
緊擱出帆收起船的碇
時間帶咱一直向前走
不管你是啥米命
只要肯拼百面贏
骨力的人是天公仔子
嘸驚艱苦
忍耐走過坎坷路
花蕊若開金祝看顧
嘸通糊塗
你我該澈底覺悟
時機若到天會援助
認真的人絕對有前途
請相信一枝草含一點露
第四首
《總有一天等到你》
(臺語)
離開已經十外冬
心裡掛念你的人
當初為何分西東
我也疑問沙嘸欉
想啊想
思考到底叨一項
歎呀歎
吐悸究竟為誰人
麥恨命運來戲弄
醉生夢死嘸彩工
明阿栽日頭共款昇東
總有彼一天絕對會當
乎我等到你的人
第五首
《傷心的中秋暝》(臺語)
去年八月十五夜
你我海邊散步走
月光光照著人影
心茫茫坐置石坪
無疑好天出意外
你講想欲離開我
一時袸心內著驚
兩行淚流甲袂煞
足大聲
晴天霹靂刺激我
嘸擱活
魂飛魄散無性命
頭殼犁犁受折磨
目瞅金金送你走
只剩月娘甲我作伴
置咧傷心的中秋夜
第六首
《天下第一等》(臺語)
賭強欲駛孤帆
家己出外去討賺
一關擱拼過一關
信心滿滿帶著希望
自透早做到暗
離鄉背井條條難
一項又換過一項
目眶紅紅自悲自歎
朋友啊
嘸通以為你尚猛
恨世間
現實人生足絕情
免鐵齒
自古將相本無種
有魄力
互相合作百面興
請你相信
咱的團隊是天下第一等(ㄉㄧㄥˋ)
請指導，謝謝!
全站熱搜
留言列表
